Celau

Celau nin gibut ( ribut ) yang di tu'unkan ulih Tuhan atau Muyang pasal kelakuk jahat uwang kitak yang sukak buat Celau ( kelakuk yang buat Tuhan atau Muyang mecang ). Sebagai contoh nyak kitak nyap bulih tawai cacing, menyise anying atau koceng, mencampu ba'ang makan macam campu kuak dengan teok selele, hudang nyap bulih masak campu tupai atau ikan puyuh nyap bulih masak campu tupai dan banyak lagik kelakuk-kelakuk yang bulih mendatangkan Celau.

Walaupun macam tek Celau bulih di cegah dengan bacak tangkal deket bawah nin. Tangkal nin kenak bacak depan cabok. Lepas tek cabok tek kenak bakar. Asap cabok tek bulih bulih bagih hilang Celau. Nin pun kalau sempat tangkal, kalau lambat Celau akan membaham satu kampung atau tempat yang didik buat kelakuk Celau.

Tangkal Celau:

Palak Belut,

Palak Tenggiling,

Palak babik atas batang,

Penuh laut sekeliling

lain kau datang,

Akuk melisih selian ibut Celau.

Lepas bacak tangkal nin atas cabok, teus bakar hajak cabok tek.